Кăрлачăн 15-мĕшĕнчен пуçласа нарăсăн 14-мĕшĕччен Красноармейски 2-мĕш шкулĕн интернет сайчĕ урлă Красноармейски районĕ - Трак ен тăрăхĕ 75 çул тултарнине халалласа тăван ен историйĕпе культурин инçет олимпиади иртрĕ. Ăна йĕркелекенĕ тата ертсе пыраканĕ Красноармейски иккĕмĕш шкулĕнче чăваш чĕлхипе литератури вĕрентекен В.М.Михайлов пулчĕ. Олимпиадăна пĕтĕмпе 62 ача хутшăнчĕ. Вĕсенчен ытларахăшĕ – Красноармейски иккĕмĕш шкулĕнчен. Çак шкултан пурĕ 33 ача хутшăнма кăмăл тунă. Упи шкулĕнчен 15 ача, Именкасси шкулĕнчен – 5, Мăн Шетмĕ шкулĕнчен – 4, Чатукасси шкулĕнчен – 1, Шывпуç шкулĕнчен – 2. Çакă савăнтарать: олимпиадăна район тулашĕнчи шкул ачисем те хутшăннă. Вĕсем – Шупашкарти пĕрремĕш номерлĕ пуçламăш шкулĕн вĕренекенĕсем. Çак ырă ĕçе хăнăхтараканни – пирĕн район хĕрĕ Ефимова Светлана Георгиевна (Георгий Тусли журналист çемйинчен вăл.)

Çĕнтерÿçĕ ятне 50 балран 49 балл пухса 23 вĕренекен çĕнсе илме пултарчĕ. Иккĕмĕш вырăна 48-46 балл пухса 2 ача тухрĕ, виççĕмĕш вырăна вара 6 ача тивĕçрĕ. Çĕнтерÿçĕсенчен 15-шĕ Упи шкулĕнчен (вĕрентекенĕ - Васильева В.В.), 8- ... Малалла вула »

"Кризис кÿнĕ сиене пĕтерес енĕпе çеç ĕçлени çителĕксĕр. Малалла та талпăнмалла, çак тĕллевпе кашни ертÿçĕн çĕнĕ ресурссемпе усă курмалла”, - ЧР Министрсен Кабинечĕн кĕçнерни кун иртнĕ ларăвне Николай Федоров Президент çак сăмахсемпе пуçланиех тишкерекен ыйтăвăн пысăк пĕлтерĕшне палăртрĕ-тĕр. Сăмах Чăваш Республикин 2010 çулхи тата планпа пăхнă 2011 тата 2012 çулсенчи бюджечĕ çинчен калакан саккуна улшăнусем кĕртесси тавра пычĕ.

Улшăнусен сăлтавĕ кăмăллă: бюджет палăрмаллах пысăкланать - 2,2 млрд тенкĕлĕх. Президент палăртнă тăрăх, лару умĕн хушма укçана мĕнле тĕллевсемпе ярасси пирки Правительство пуçлăхĕпе, финанс министрĕпе самай çивĕч калаçу пулнă. Çапла ĕнтĕ, укçа тавлаштарать.

Хушма укçа çăл куçĕсем ăçтан тупăннă-ха? Николай Васильевич малтанах промышленноç производстви ерипен çĕнĕрен вăй илме тытăннине палăртрĕ. Çакă предприятисен тупăшне те пысăклатать, бюджета та пуянлатать. Çапах тĕп тĕрев - кăрлач уйăхĕнчи пулăмсем. Тĕрĕсрех, кăрлачăн 25-мĕшĕнчи... Çав кун Шупашкара Раççей Правительствин пуçлăхĕ Владимир Путин килсе кайрĕ. Çавна май федераци бюджетĕнчен хушма укçа илмелли майсем çуралнă. "Çакна В.Путин пирĕн ĕçе тивĕçлипе хаклани те çир ... Малалла вула »

МУСКАВ, 17, нарăс — РИА Новости. Раççейре çыннăн вăтам ĕмĕр тăршшĕ 2009 çулта 69 çулпа танлашнă. Çакă вăл малтанхи çулхипе танлаштарсан 1,2 çул ытларах иккен.

«На протяжении уже нескольких лет продолжается рост средней продолжительности жизни в России. За 2009 год этот показатель вырос более, чем на один год (1,2 года) и составил в среднем у мужчин и женщин более 69 лет», — тенĕ Раççей Правительствин вице-премьерĕ Жуков. Вăл каланă тăрăх, миграцие шута илнипе пĕрле, Раççейре пурăнакан çынсен шучĕ  юлашки 15 çул хушшинче тинех ÿсме пуçланă. Пĕтĕмпе Раççейре халĕ 141 миллион та 927 пин çын пурăнать иккен.

Тĕплĕнрех: http://news.mail.ru/politics/3398578/