Чăваш Республикинче пурăнакан халăхăн 94 проценчĕ Пĕтĕм Раççейри халăх çыравне хастар хутшăннă. Пĕтĕмпе  1 миллион та  239 пин çынна шута илнĕ. Ку кăтарту,  иртнĕ çыраврипе (2002 ç.) танлаштарсан, республикăмăрта  20-25 пин çын сахалтарах пурăннине çирĕплетет. ИА REGNUM пĕлтернĕ тăрăх çакăн çинчен Чăвашстат пуçлăхĕ Эльвира Максимова Президент куллен ирттерекен планеркăра пĕлтернĕ. Президент администрацийĕн пресс служби те çакна çирĕплетнĕ.

Малтан ИА REGNUM Новости пĕлтернĕ тăрăх, 2010 çулхи кăрлачăн 1-мĕшĕ тĕлне Чăваш Республикинчи халăх йышĕ 1278,4 пин çынпа танлашнă. Çак йышран 58 проценчĕ (741,8 пин çын) хулара пурăнать, 42 проценчĕ (536,6 пин çын) - ялта. Çулталăк хушшинче халăх йышĕ 1.007 çынна чакнă (0,1%). Халăх йышĕ чакасси, тĕпрен илсен, вилнисем çуралнисенчен нумайрах пулнипе çыхăннă (уйрăмлăх - 1.389 çын шучĕ). Миграципе куçса килнисен йышĕ çак çухатăва 27,5 процент таран çеç сахаллатма пултарнă.

Чăваш халăх сайчĕпе Чăваш чĕлхин инçет вĕренӳ центрĕ ирттерекен «Урхамахсем тăраç тапăртатса...» ятлă тĕнче тетелĕнчи фантастикăллă хайлавсен литература ăмартăвĕн I тапхăрĕ вĕçленчĕ. Эрне каярах хайлавсен шучĕ пĕлтĕрхинчен самай сахалтарах пулассинчен шикленеттĕмĕр («Йышăнас тапхăра тата тепĕр 10 куна тăсмалла мар-ши?» — шутлаттăмăр), анчах та юлашки виçĕ-тăватă кун хушшинче хутшăнакансен йышĕ самай ӳсрĕ — кунне вуншар-çирĕмшер çыру илтĕмĕр. Ку пире, паллах, самай чăрмав кӳрет — халĕ пирĕн кунне-çĕрне пăхмасăр ĕçлеме тивĕ (хайлавсене вырнаçтармалла-çке!). Çавăнпа та ыйтасшăн — тархасшăн, тепĕр ăмартусене хутшăннă чухне ĕçе юлашки кунсене ан хăварăр! Эсир нумайăн... эпир вара, хаклакансем, пĕрре-иккĕн çеç. 
Малалла иккĕмĕш тапхăр пуçланать — ярса панă хайлавсене тишкересси тата вулакансен кăмăлне кайнă хайлава палăртасси. Ку ĕçе сирĕнсĕр тума май çук — эсир сасăламасăр вулакансен кăмăлне кайнă хайлава пĕлеймĕпĕр. Вулăр! Сасăлăр! Чӳкĕн 26-мĕшĕччен вăхăт чылай (сасăлавăн юлашки кунĕ).
«Урхамахсем тăраç тапăртатса...» интернет конкурса ачасемпе çамрăксене тата чăваш чĕлхипе литературине, културине вĕрентекенсене литература пултарулăхне аталантарас, çутçанталă ... Малалла вула »