Елена Енькка хатĕрленĕ çĕнĕ кĕнеке лавккасене 2009 çул вĕçнелле çитрĕ. Халĕ ĕнтĕ «Тăван ен» культурине вĕренмелли кĕнеке 8-мĕш валли те пур теме пулать.

Кĕнеке, пĕтĕмĕшле илсен, чăвашсен малтанхи ĕмĕрсенчи историпе паллаштарать — мĕн сĕм авалхи пирĕн эрăчченхи VIII-VII вăхăтран пуçласа пирĕн мăн асаттесем X ĕмĕрте Атăлçи Пăлхар йĕркеленĕ вăхăта çити. Елена Еньккан «Родной край» (çапла, кĕнеке вырăсла тухнă, предмета вырăсла вĕрентет) кĕнеке ярăмне кĕрекен ытти шкул кĕнекисем пекех, ку учебник та тĕрлĕ сăнсемпе, ӳкерчĕксемпе пуян. Кунашкал кĕнекене алла ярса тытсан шкул ачин çеç мар, унăн ашшĕ-амăшĕн те чăваш халăхĕн кун-çулĕпе паллашма кăмăл çуралать.

Кĕнекене туянас шухăшлисем ăна Чăваш кĕнеке издательствин «Книжные новинки» лавккисенче тупма пултараççĕ — хакĕ çыртмасть, 200 яхăн страницăллăскер, 88 тенкĕ кăна тăрать. Вĕренӳ кĕнекине 7 пин экземплярпа пичетлесе кăларнă. Çителĕклĕ тиражпа кăларнă тесе ăна туянас ĕçе кая ан хăварăр — тиражăн ытларахăш пайне шкул вулавăшĕсене валеçнĕрен, тен, сутлăхра вăл нумаях тытăнса тăмĕ. Сянписемпе чăвашсен хушшинче мĕнле çыхăну пуррине пĕлес тесен, Плиска хулинчи ишĕлчĕксемпе паллашас тесен, «кĕнеке» сăмах пир ... Малалла вула »

Чăваш  Республикинчи учительсенчен Раççей Президенчĕн  Грантне 2006-2009 çулсенче пурĕ 446 вĕрентекен тивĕçнĕ. Вĕсен нумай енлĕ пултарулăхĕн паха ĕç опытне пухса Чăваш Республикин Вĕрентÿ министерстви кĕнеке кăларнă. Унăн ум сăмахне  Вĕрентÿ институчĕн ректорĕ В.Д.Данилов профессорпа С.В.Димитриева доцент çырса хатĕрленĕ. Кĕнекере 112 учителĕн ĕç опычĕ çинчен кĕскен каласа панă. 

26.01.2010
"Ял пурнăçĕ" (Красноармейски район хаçачĕ) 

З. Михайлова
Çĕр çинче çын алли тĕкĕнмен ĕç çук та пулĕ. Кашни ĕçех юратса, чунтан парăнса пурнăçласан пирĕн пурнăç аталанса çеç пымалла. Ахальтен мар чăвашсем: "Ĕç — пурнăç илемĕ”, — теççĕ. Пурнăç чăннипех те чаплă пултăр тесессĕн пур çыннăн та хăйне килĕшекен пĕр-пĕр ĕçе суйласа илмелле. Суйласа илни çеç çителĕксĕр — çав ĕçре кăмăлтан тăрăшмалла, çитĕнÿсем тумалла, хăв телейне тупмалла.

"Ĕç пурнăç тытать, ĕç телей кÿрет”, — тенĕ ваттисем. Паллах, кашни çыннăн хăйĕн ĕçĕ-хĕлĕ, хăйĕн савăнăçĕ, хăйĕн телейĕ. Хăшĕ-пĕрисем ашшĕ-амăшĕн ĕçнех малалла туртаççĕ, теприсем тăванĕсем сĕннипе пĕр-пĕр ĕçе кĕрешеççĕ, виççĕмĕшĕсем çут çанталăк панине — таланта тĕпе хураççĕ. Хăв юратнă ĕçе пĕр кун хушшинче суйласа илме те май çук. Çапах пĕр-пĕр ĕçе кăмăлласси пĕчĕкренех палăрать вăл.

Çĕр çинчи мĕн пур ĕçе çыннăн ăста аллипе çивĕч ăс-хакăлĕ тăвать. Çав ĕçсене çĕклекен çынсен профессийĕсене шутласа кăларма та çук: агроном, летчик, çăкăр пĕçерекен, ĕне сăвакан, юрă çыракан, çĕр сухалакан, сутуçă, сăвăçă, пулăçă, строитель...

Паллах, пур професси те лайăх, пур професси те кирлĕ. Анчах та Т ... Малалла вула »